MNUMSMNUMS

Их сургуулийн эмнэлэг

Нүүр Ам Судлалын Төв Эмнэлэг

Монгол Улсын анхны бие даасан нүүр амны төв эмнэлэг — оношилгоо, эмчилгээ, сургалт, эрдэм шинжилгээний нэгдмэл үйл ажиллагаа.

СудалгааХолбоо барих

Тухай

1997 оны 9 сард Финлянд Улсын Засгийн газар, Финляндын Олон улсын тусламжийн ЛКА байгууллага, Монгол Улсын Анагаах Ухааны Их Сургуулийн хамтарсан "Амны хөндийн эрүүл мэнд" төсөл хэрэгжиж, 2000 онд дууссанаар төслийн хүрээнд байгуулагдсан Шүдний иж бүрэн клиникийг АУИС-ийн Нүүр ам судлалын сургуульд хүлээлгэн өгснөөр НАСТЭ-ийн эх суурь тавигдсан. 2008 онд ЭМШУИС-ийн захирлын А/06 тушаалаар "Эрхэс" зөвлөх поликлиник болж, 2011 онд 5 тасаг, 34 эмч ажилчдын бүрэлдэхүүнтэй "Шүд Эрүү Нүүрний Эмнэлэг" нэртэйгээр өргөжсөн.

2017 онд 32 үзлэгийн машинтай, 40-50 хүнд нэгэн зэрэг үйлчлэх хүчин чадалтай, 1650 м² бүхий зургаан давхар шинэ байртай болж үйл ажиллагаагаа өргөжүүлсэн. АШУҮИС-ийн захирлын 2021 оны 10 сарын 04 өдрийн А206 тоот тушаалаар их сургуулийн эмнэлгийн бүтэц зохион байгуулалт руу шилжиж, бие даасан Нүүр Ам Судлалын Төв Эмнэлэг болж байгуулагдсан.

Эрхэм зорилго: хүн амд нотолгоонд суурилсан нүүр амны нарийн мэргэжлийн тусламж үйлчилгээг чанартай, түргэн шуурхай үзүүлж, сургалт-эрдэм шинжилгээ-эмнэл зүйн үйл ажиллагааны нэгдлийг хангах. Алсын хараа: олон улсад магадлан итгэмжлэгдсэн, оношилгоо, эмчилгээ, сургалт, судалгаагаар манлайлагч үндэсний тэргүүлэх их сургуулийн эмнэлэг байх.

НАСТЭ-д нийт 70 эмч, сувилагч, ажилтны бүрэлдэхүүнтэйгээр нүүр амны эмчилгээ, согог засал, мэс засал, гажиг засал, хүүхдийн нүүр ам судлал, урьдчилан сэргийлэлт, дүрс оношилгоо, технологийн чиглэлүүдээр эмчилгээ үйлчилгээ үзүүлж байна.

Тасгууд

  • Нүүр амны эмчилгээний тасаг
    Нүүр амны эмчилгээний тасаг нь нийт 8 хүний бүрэлдэхүүнтэй ба 7 эмч, 1 сувилагчтайгаар үйл ажиллагаагаа тасралтгүй явуулж байна.
  • Нүүр амны согог заслын тасаг
    Нүүр амны согог заслын тасаг нь нийт 10 хүний бүрэлдэхүүнтэй ба 8 багш, 1 эмч, 1 сувилагчтайгаар үйл ажиллагаа явуулж байна.
  • Хүүхдийн нүүр ам судлал, урьдчилан сэргийлэлтийн тасаг
    Хүүхдийн нүүр ам судлал, урьдчилан сэргийлэлтийн тасаг нь нийт 8 хүний бүрэлдэхүүнтэй ба 7 эмч багш, 1 сувилагчтайгаар тасралтгүй үйл ажиллагаа явуулж байна.
  • Шүдний тулгуур эд, сувгийн эмчилгээний тасаг
    Шүдний тулгуур эд, сувгийн эмчилгээний тасаг нь нийт 6 хүний бүрэлдэхүүнтэй ба 1 үнэлсэн эмч, 4 эмч багш, 1 сувилагчтайгаар үйл ажиллагаа явуулж байна.
  • Нүүр амны мэс заслын тасаг
    Нүүр амны мэс заслын тасаг нь нийт 11 хүний бүрэлдэхүүнтэй ба 7 эмч, 4 сувилагчтайгаар үйл ажиллагаа явуулж байна.
  • Нүүр амны гажиг заслын тасаг
    Нүүр амны гажиг заслын тасаг нь нийт 10 хүний бүрэлдэхүүнтэй ба 6 эмч, 2 сувилагч, 2 рентген техникчтэйгээр үйл ажиллагаа явуулж байна.
  • Нүүр амны технологи, шүдний лабораторийн тасаг
    Нүүр амны технологи, шүдний лабораторийн тасаг нь 20 хүний бүрэлдэхүүнтэйгээр 9 эмч багш, 7 шүдний техникч, 3 нүүр амны эрүүл ахуйч, 1 сувилагчтайгаар ажиллаж байна.
  • Сувилахуйн алба
    Сувилахуйн алба нь НАСТЭ эмнэлгийн даргын 2020 оны 05 сарын 29-ний өдрийн Б/06 тоот тушаалын 4-р хавсралтын дагуу байгуулагдсан.
  • Нүүр амны дүрс оношлогооны тасаг
    Конус цацрагт компьютерт томограф (бүтэн, хэсгийн), хоншоор эрүүний дэлгэмэл рентген зураг, эрүүний үений рентген зураг, гавлын рентген зураг (хажуу, эгц урдаас), сурвалжийн орой рентген зураг авч, дүгнэлт бичдэг.