Танилцуулга

Анагаахын шинжлэх ухааны үндэсний их сургууль (АШУҮИС) нь бүрэлдэхүүн 8 сургууль, орон нутаг дахь харьяаллын салбар 4 сургууль, судалгааны бусад нэгжүүдтэй, бакалавр, магистр, докторын түвшний суралцагч, эрдэмтэн багш, ажилчидтай Монгол улсын эрдэм оюуны томоохон төв юм.

АШУҮИС нь 1942 онд МУИС-ийн дэргэдэх "Хүн эмнэлгийн факультет" нэртэйгээр анх байгуулагдаж байсан түүхтэй. 1962, 1967, 1969 онуудад Говь-Алтай, Дархан-уул, Дорноговь аймгуудад салбар Анагаах ухааны сургуулиудыг өрх тусгаарлан шинээр байгуулж, Монгол улсад дээд боловсролын системийг бий болгон төлөвшүүлэхэд асар их хувь нэмэр оруулсан билээ.

1942 онд 4 тэнхим, 34 оюутантайгаар байгуулагдсан их сургууль Монгол Улсын нийт эмч, сувилагч, эмнэлгийн мэргэжилтний 93.4% (61,022)-ийг бэлтгэжээ. Их сургууль 2030 он хүртэл «АШУҮИС-ийн стратеги төлөвлөгөө-2030»-ийн дагуу хөгжиж байна.

Тоон үзүүлэлт

Стратеги төлөвлөгөө-2030

Үнэт зүйлс

1. 01Эрдмийн эрх чөлөөСургах, суралцах, судлах үйл ажиллагаанд оюуны чөлөөт, нээлттэй эрэл хайгуул хийж, үр дүнг чөлөөтэй илэрхийлэхийг дэмжинэ.
2. 02Ёс зүйЁс зүйг дээдлэн хариуцлагаа ухамсарлаж, бусдад хүндэтгэлтэй хандана.
3. 03МанлайлалМонгол хүний эрүүл мэнд, сайн сайхан байдлын төлөөх эерэг өөрчлөлтийг түүчээлнэ.
4. 04Уламжлал-шинэчлэлАхмад, дунд, залуу үеийн холбоог эрхэмлэж, шинэчлэлтэй хослуулан хөгжүүлнэ.
5. 05ТэмүүлэлШинжлэх ухааны нотолгоонд үндэслэн эрдэм шинжилгээ, сургалт, эрүүл мэндийн тусламж, үйлчилгээний тасралтгүй хөгжлийн төлөө тэмүүлнэ.

Стратегийн зорилго

1. 1Шилдэг багш, судлаач, эмч, эмнэлгийн мэргэжилтэн, хүний нөөцийн мэргэшсэн багийг бүрдүүлж, тасралтгүй хөгжлийг дэмжих
2. 2Олон улсын жишигт нийцэхүйц судалгааны орчин, нөхцөлийг бүрдүүлсэн үндэсний тэргүүлэгч судалгааны их сургууль болох
3. 3Дэлхийд өрсөлдөх чадвартай эмч, эмнэлгийн мэргэжилтэн бэлтгэх
4. 4Их сургуулийн эмнэлгийн тогтолцоог хөгжүүлж, олон улсын жишигт хүргэх
5. 5Байгууллагын сайн засаглалыг дэмжих, мэдээллийн технологийн нэгдсэн тогтолцоонд шилжих