Нийгмийн эрүүл мэндийн сургууль

Олон улсад итгэмжлэгдсэн тус хөтөлбөрт элсэн суралцаж төгссөнөөр хүн амын эрүүл мэндийн байдал, түүнд нөлөөлөх хүчин зүйлсийг тандан судлах, хянах, эрүүл мэндийг дэмжих, хамгаалах, өвчин эмгэгээс урьдчилан сэргийлэх, хүн амд эрүүл мэндийн боловсрол олгоход шаардагдах мэдлэг, чадвар, хандлага эзэмшсэн эрүүл мэндийн салбарын мэргэжилтэн болно.

Хүний эрүүл, аюулгүй амьдрах таатай орчин, нөхцөлийг бүрдүүлэх, хүрээлэн буй орчноос шалтгаалсан эрүүл мэндэд нөлөөлөх сөрөг нөлөөллийг тандах, урьдчилан сэргийлэх, баримт мэдээлэл цуглуулах, дүн шинжилгээ хийх, үнэлэх, хариу арга хэмжээг төлөвлөх мэдлэг, ур чадвар бүхий мэргэжилтэн болно.

Ажилчдын эрүүл мэнд, аюулгүй байдалд сөргөөр нөлөөлдөг ажлын байрны аюултай хүчин зүйлсийг таньж илрүүлэх, үнэлэх, тэдгээрийг хянах, бууруулах, арилгах замаар үйлдвэрлэлийн осол, хурц хордлого, мэргэжлээс шалтгаалсан өвчнөөс сэргийлэх мэдлэг, чадвар, хандлага эзэмшиж Хөдөлмөрийн аюулгүй байдал, Хөдөлмөрийн эрүүл ахуйн хос мэргэжилтэн болно.

Эрүүл мэндийн салбарт нийгэм сэтгэлзүйн хэрэгцээнд тулгуурлан үйлчлүүлэгч төвтэй нэгдмэл тусламж үйлчилгээг хөгжүүлэх, олон нийтийг чадавхжуулах, дэмжих орчин бүрдүүлэхэд чиглэсэн мэргэжлийн нийгмийн ажлын үйлчилгээ үзүүлдэг мэргэжилтэн юм.

Хүн амыг өвчин эмгэгээс урьдчилан сэргийлэх, хамгаалах, эрүүл мэндийг дэмжихэд хоол хүнсний аюулгүй байдал, шим тэжээлийн ач холбогдол, хооллолтоос шалтгаалах өвчлөлийн эрсдэлт хүчин зүйлсийн талаарх мэдлэг, хандлага, дадлыг эзэмшсэн мэргэжилтэн байна.